Алматыда өнеркəсіптік цифрландыру бойынша бірден екі технологиялық марафон өтеді-Mining Day 2.0 жəне Oil & Gas Day

Tech Garden Алматы қаласында өнеркəсіптік цифрландыру бойынша екі технологиялық марафон – Mining Day 2.0 жəне Oil&Gas Day өткізілетіні туралы хабарлайды. Іс-шара 29 наурызда MOST бизнес-инкубатор алаңында өтеді.

Технологиялық марафон-бұл тау-кен металлургия кешенінде, мұнай-газ секторында жəне энергетикада цифрлық трансформация мəселелерін шешу үшін 2022 жылдан бері өткізіліп келе жатқан қордың бірегей өнімі. Өнеркəсіп секторының өкілдері, жетілген АТ компаниялары, ғылыми орта, сарапшылар мен салалық медиа бір алаңға жиналып, міндеттер мен ұсынылған шешімдерді талқылап, білім мен тəжірибе алмасады.

Mining Day 2.0 жəне Oil&Gas Day марафондарына арналған тапсырмалар Smart Industry Management Platform (SIMP) платформасында қол жетімді. Бұл көмірсутек шикізаты мен қатты пайдалы қазбаларды өндіру жəне қайта өңдеу саласындағы ірі жер қойнауын пайдаланушы кəсіпорындардан жалпы сомасы 800 миллион теңгеге шешілуі қажет төрт міндет. Марафонға өнеркəсіптік кəсіпорындарда цифрлық технологияларды енгізу тəжірибесі бар IT-компаниялар қатыса алады. Өтінімді https://simp.gov.kz/ru/store/marathon сайтында беруге болады.

Келесі міндеттерді шешу бойынша технологиялық марафонға өтінімдерді қабылдау ашылды:

1. Mining Day 2.0: құрғақ əдістермен темір кені концентраттарын өндіру технологиясын əзірлеу.
2. Mining Day 2.0: көмір кен орнын цифрландырудың кешенді шешімін əзірлеу.
3. Oil & Gas Day: гидродинамикалық модельдерді өзектендіру жəне өндірілуі қиын қорлардың мұнай шығымдылығын арттыру əдістерін одан əрі масштабтау үшін кен орнында цифрлық модельді енгізу.
4. Oil & Gas Day: гидродинамикалық модельдерді өзектендіру, трассерлік жəне геохимиялық (мұнайды фингер принтинг) зерттеу əдістерімен тау жыныстары-коллекторлар мен флюидупорлардың ФЕЗ-ін зерттеу, кен орнының цифрлық моделін енгізу.

Марафонның мақсаты - өнеркəсіпті цифрландыру бойынша озық отандық əзірлемелерді көрсету (Индустрия 4.0). Оның ішінде, марафон барысында қосымша қажеттіліктер анықталады, бұл тапсырманы неғұрлым тиімді жəне фокустық пысықтау мүмкіндігін едəуір арттырады.