Әйелдердің инженерлік мамандықтардағы рөлін нығайтуға қандай мүмкіндіктер бар?

Жаратылыстану және техникалық ғылымдар, инженерия және математика (STEM) әлемдегі ең жылдам дамып келе жатқан бағыттардың бірі болып табылады. Алайда, Дүниежүзілік экономикалық форумның 2020 жылғы Жаһандық гендерлік алшақтық туралы есебіне сәйкес, бұл салалар гендерлік гетерогенді, әйелдердің өкілдігі аз болып табылады.

Otis-тің мақсаты – жастар арасында сапалы кәсіптік-техникалық және жоғары білім беруді ілгерілетуге ықпал ету ғана емес, сондай-ақ дарынды қыздар мен жас әйелдерге гендерлік теңдік пен әртүрлілікке ықпал ете отырып, осы саланы дамыту үшін берік негіз құруға көмектесу.

Назарбаев Университетінің Әлеуметтік Даму Қоры Атырау және Нұр-Сұлтан қалаларындағы мектептерге баратын қыздарға арналған төрт курсты (Arduino, 3D модельдеу, Бағдарламалық инженерияға енгізу және Ғылыми жобаларды зерттеу) ұсынатын жаңа студенттік клуб құруға және дамытуға грант бағыттайды.

«Otis компаниясының қолдауы бізге әйелдердің инженерлік мамандықтардағы рөлін нығайтуға, сондай-ақ осы салада өзін-өзі жүзеге асыру үшін мүмкіндіктер жасауға көмектеседі. Инженер-әйелдер студенттік клубының мүшелері техникалық мамандықтарды меңгеруге барынша көп қыздарды тартуға мүдделі. Біз бұл жобаның табысты іске асырылуына сенімдіміз», - деп атап өтті Назарбаев университетінің Әлеуметтік Даму Қорының Басқарушы директоры Анар Өтешова.

«Назарбаев Университетінің «Инженерлік саладағы әйелдер» клубы сияқты білім беру жобалары жас әйелдерге өз дарындарын ашуға және осы салаға қатысуын кеңейтуге жақсы мүмкіндік береді», - дейді Otis Қазақстан Басқарушы директоры Хуберт Сковрон. «Осы грантпен біз STEM-ге және біздің бизнесіміз үшін қажет бейінді білім беруді дамытуға деген тұрақты адалдығымызды атап өтеміз. Біздің корпоративтік құндылықтарымыз аясында біз жергілікті қоғамдастықтардағы әртүрлілік пен гендерлік теңдікті ілгерілетуге үлкен көңіл бөлеміз. Білім беруді қолдау бұл бастамалардың маңызды бөлігі болып табылады. Ол сондай-ақ әйелдердің мүмкіндіктерін кеңейтуге және олардың осы саладағы жаңа қызықты мүмкіндіктерін ашуға ықпал етеді»

ESG (экологиялық, әлеуметтік және корпоративтік басқару) саласындағы өзінің жаһандық стратегиясы шеңберінде Otis компаниясы 2025 жылға қарай барлық қайырымдылық қайырмалдықтарының елу пайызын STEM саласындағы бағдарламаларды дамытуға жұмсауға ниетті. Корпоративтік әлеуметтік жауапкершілік бағдарламасы туралы көбірек білу үшін Otis веб-сайтына кіріңіз.